Lyfja Heyrn sérhæfir sig í að verja, mæla og bæta heyrn með framúrskarandi þjónustu löggildra heyrnarfræðinga og sérþjálfaðs starfsfólks. Kíktu við eða bókaðu tíma, við tökum vel á móti þér.
Hjá Lyfju Heyrn færð þú:
- Ítarlega heyrnarmælingu og getur skoðað vöruval Phonak heyrnatækja í sérhönnuðu heyrnarstúdíói
- Einfalda heyrnarmælingu sem segir til um það hvort þú þurfir að koma í ítarlegri heyrnarmælingu
- Ráðgjöf um heyrnartæki, fyrirbyggjandi vörur og lausnir.
- Phonak heyrnartæki til prufu í kjölfar heyrnarmælingar
- Sérsmíðaða heyrnarvernd
- Roger aukabúnað fyrir Phonak heyrnartæki
Lyfja Heyrn er fyrsta verslun sinnar tegundar á Íslandi þar sem viðskiptavinir geta komið í einfalda og ítarlega heyrnarmælingu, skoðað og prófað heyrnartæki, stuðningsvörur heyrnartækja og fyrirbyggjandi lausnir fyrir heyrn með aðgengi að sérfræðiráðgjöf heyrnarfræðinga og sérþjálfaðs starfsfólks. Einnig er í boði að leigja heyrnartæki til skemmri tíma ef þörf er á slíku. Verslun okkar er öllum opin og við hvetjum þig til að kíkja við og skoða úrvalið eða fá faglega ráðgjöf. Við erum í Lágmúla 5 á jarðhæð, beint inn af bílastæði.
Okkar markmið er að breyta upplifun, þjónustu og vegferð viðskiptavina sem glíma við heyrnarskerðingu ásamt því að veita lausnir og faglega ráðgjöf á vörum sem vernda heyrn.
Við viljum þjónusta sérstaklega þá hópa sem þurfa á heyrnarvernd að halda í starfi og leik. Við bjóðum upp á algjörlega sérsniðnar heyrnarvarnir. Með því að skanna eyrað fáum við upp stafrænt mót af eyranu og smíðum eftir því sérsniðna eyrnartappa. Heyrnarverndin þín passar þér því fullkomlega.
Hjúkrunarþjónusta Lyfju í Lágmúla
Lyfja býður upp á nýja þjónustu hjá hjúkrunarfræðingum Lyfju Lágmúla en þangað getur þú mætt í eyrnaskoðun og eyrnahreinsun án tímabókunar.
Hjúkrunarfræðingur skoðar í eyru og metur hvort þörf sé á að skola eyrun. Tímabókun er óþörf. Opið er frá klukkan 8-16 virka daga.
| Þjónusta | Almennt verð | Eldri borgarar og öryrkjar |
| Eyrnahreinsun | 4.990 kr. | 3.990 kr. |
Áhugaverðar staðreyndir
- Samkvæmt John Hopkins Medicine upplifa 1 af hverjum 3 fullorðnum eldri en 65 ára heyrnarskerðingu
- Þeir sem þurfa á heyrnartækjum að halda fá þau að jafnaði 6 árum of seint > erfiðari endurhæfing
- Sífellt yngra fólk glímir við heyrnarskerðingu, vegna breytinga á hlustun, samkvæmt rannsókn NIDCD í USA er hlutfallið 14% á aldrinum 20-69 ára
Ef grunur leikur á skertri heyrn hjá barni á aldrinum 0-18 ára er best að leita til Heyrnar- og talmeinastöðvarinnar, sérfræðinga í háls-, nef- og eyrnalækningum eða heimilislæknis.
